(ភ្នំពេញ)៖ ស្រ្តីជាកម្មកររោងចក្រម្នាក់ បានរងរបួសយ៉ាងធ្ងន់ធ្ងរ ដោយសារប្តីជះទឹកអាស៊ីតស្រោចពេញខ្លួន។ ហេតុការណ៍ជះទឹកអាស៊ីតនេះ បានកើតឡើង កាលពីវេលាម៉ោង៩និង១០នាទីយប់ ថ្ងៃទី០៨ ខែកុម្ភៈ ឆ្នាំ២០១៦នេះ នៅមុខផ្សារដីថ្មី ផ្លូវវេងស្រេង សង្កាត់ស្ទឹងមានជ័យ ខណ្ឌមានជ័យ។
ជនរងគ្រោះឈ្មោះ ស៊ុ សុខនី អាយុ២៣ឆ្នាំ រស់នៅភូមិមៀន ឃុំមៀន ស្រុកអូរាំងឪ ខេត្តត្បូងឃ្មុំ។ ចំណែកជនដៃដល់ជាប្ដី ឈ្មោះ ង៉ែត ផល្លី នៅខេត្តសៀមរាប ធ្វើសំណង់ មកពីខេត្តមករករឿង ឈ្លោះគ្នាមួយខែហើយ។
តាមការសន្និដ្ឋានពីសមត្ថកិច្ច ករណីប្តីជះទឹកអាស៊ីតដាក់ប្រពន្ធនេះ កើតឡើងដោយសារប្តី ប្រច័ណ្ឌជាមួយប្រពន្ធ៕
