(អាមេរិក)៖ ឧទ្ធម្ភាគចក្រទ័ពម៉ារីនរបស់សហរដ្ឋអាម៉េរិកពីរគ្រឿង បានបុកគ្នានៅឆ្នេរនៃរដ្ឋហាវៃ សហរដ្ឋអាម៉េរិក នេះបើយោងតាមសេចក្តីរាយការណ៍ របស់ភ្នាក់ងារសារព័ត៌មាន Reuters ចេញផ្សាយនៅថ្ងៃទី១៥​ ខែមករា ឆ្នាំ២០១៦នេះ។​

មន្ទីរបញ្ចកោណ បានបញ្ជាក់ប្រាប់សារព័ត៌មាន NBC ថា មានទ័ពម៉ារីន​១២នាក់នៅលើឧទ្ធម្ភាគចក្រទាំងពីរគ្រឿងនេះ។ ប៉ុន្តែមិនមានសញ្ញាណា មួយ​បង្ហាញថា មានអ្នកនៅរស់រានមានជីវិតនោះទេ។​ យ៉ាងនេះក្តីការស្រាវជ្រាវរក​ជនរងគ្រោះ​ត្រូវជួបបញ្ហា ដោយសាររលកធំៗ។ តាមសារព័ត៌មាន​របស់ហាវៃបានឲ្យដឹងថា រលកធំៗត្រូវបានគេរំពឺងថា នឹងបក់បោក​កាន់តែខ្លាំងនៅថ្ងៃសុក្រនេះ៕