(ភ្នំពេញ)៖ សម្តេចសាយ ឈុំ ប្រធានព្រឹទ្ធសភា និងភរិយា បានផ្ញេីសារចូលរួមរំលែកទុក្ខយ៉ាងក្រៀមក្រំជាទីបំផុតចំពោះមរណភាព លោកស្រី លី គឹម សោមចិន កាលពីរាត្រីថ្ងៃចន្ទ ទី១៣ ខែមករា ឆ្នាំ២០២០ ដោយរោគាពាធ ក្នុងជន្មាយុ ៦៧ឆ្នាំ។

សម្តេចប្រធានព្រឹទ្ធសភា បានចាតលទុកថា ការបាត់បង់​ លោកស្រី លី គឹម សោមចិន គឺជាការបាត់បង់នូវភរិយា មាតា ជីដូនជាទីស្រលាញ់ប្រកបដោយ ព្រហ្មវិហារធម៌សម្រាប់កូនៗ និងចៅៗទាំងអស់។ រូបកាយ លោកស្រី លីគឹម សោមចិន បាត់បង់ទៅក៏ពិតមែនប៉ុន្តែ កិត្តិយស សេចក្តីថ្លៃថ្នូរ និងអំពើជាកុសលក្នុងការបូជាកម្លាំងកាយចិត្ត ដើម្បីអប់រំ បីបាច់ថែរក្សាបុត្រា បុត្រី ចៅប្រុស ចៅស្រី អោយក្លាយជាកុលបុត្រ កុលធីតាដ៏ឆ្នើមរបស់ជាតិ ពិតជាមិនបាត់បង់ឡើយ។

ក្នុងឱកាសនេះ សម្តេច និងភរិយាសូមបួងសួងដល់វត្ថុស័ក្តិសិទ្ធិក្នុងលោក និងតេជៈបារមី នៃព្រះពុទ្ធ ព្រះធម៌ព្រះសង្ឃ តាមជួយបីបាច់ថែរក្សាដល់ដួងវិញ្ញាណក្ខន្ធរបស់លោកស្រី បានទៅសោយសុខក្នុងសុគតិភព ជានិច្ចនិរន្តរ៍តរៀងទៅ៕

ខាងក្រោមនេះជាសាររំលែកទុក្ខ របស់សម្តេច សាយ ឈុំ៖