(ភ្នំពេញ)៖ រដ្ឋបាលរាជធានីភ្នំពេញ នារសៀលថ្ងៃទី៥ ខែតុលា ឆ្នាំ២០១៨នេះ បានអំពាវនាវឲ្យប្រជាពលរដ្ឋទាំងអស់ សូមរក្សាទុកដាក់សំរាមឲ្យមានសណ្ដាប់ធ្នាប់ និងត្រឹមត្រូវ ខណៈកម្មករផ្តល់សេវាប្រមូលសំរាម របស់ក្រុមហ៊ុនស៊ីនទ្រី ត្រូវបានអនុញ្ញាតឲ្យឈប់សម្រាក រយៈពេល៤ថ្ងៃ ចាប់ពីថ្ងៃទី០៨-១១ ខែតុលា ឆ្នាំ២០១៨នេះ នាឱកាសបុណ្យភ្ជុំបិណ្ឌប្រពៃណីជាតិខ្មែរ។

យោងតាមសេចក្ដីជូនដំណឹង របស់រដ្ឋបាលរាជធានីដែលអង្គភាព Fresh News ទទួលបានឲ្យដឹងថា «ដើម្បីរក្សាសោភ័ណភាព អនាម័យ បរិស្ថានក្នុងរាជធានីភ្នំពេញ រដ្ឋបាលរាជធានីសូមអំពាវនាវ ដល់បងប្អូនជាម្ចាស់លំនៅដ្ឋាន, ម្ចាស់អាជីវកម្ម, សេវាកម្ម មេត្តាយោគយល់អាធ្យាស្រ័យ កុំបញ្ចេញសំរាមដាក់តាមដងផ្លូវសាធារណៈ សូមរក្សាសំរាមឲ្យបានត្រឹមត្រូវ ក្នុងទីតាំងរៀងៗខ្លួនបណ្ដោះអាសន្នសិន»។

រដ្ឋាភិបាលរាជធានីភ្នំពេញ សេវាប្រមូលសំរាមរបស់ក្រុមហ៊ុន ស៊ិនទ្រី នឹងចូលបម្រើការងារធម្មតាវិញនៅថ្ងៃទី១២ ខែតុលា ឆ្នាំ២០១៨៕