(ពិភពលោក)៖ នៅថ្ងៃសៅរ៍ ទី០២ ខែកញ្ញា ឆ្នាំ២០១៧នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួម​មាន​ទាំង​ព្រឹត្តិការ​ណ៍​នយោ​បាយ និង​ស្ថាន​ការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិ​ការណ៍​រូបភាពប្រ​ចាំ​ថ្ងៃនេះ​មាន​អ្វី​ខ្លះ​នោះ​សូមទស្សនា​​ដូច​​ខាង​ក្រោម៖

១៖ រូបភាពថតពីលើអាកាស ស្តែងពីលំនៅឋានជាច្រើនខ្នង កំពុងលិចលង់ក្នុងទឹកជំនន់ ក្រោយពីព្យុះកំណាចឈ្មោះថា ហាវី (Harvey) បានវាយប្រហារ​លើ​ទីក្រុងហូស្តុន (Houston) នៃរដ្ឋតិចសាស់ សហរដ្ឋអាមេរិក តាំងតែពីសប្តាហ៍មុន។

២៖ ក្រុមភ្នាក់ងារជួយសង្រ្គោះ ចាប់ផ្តើមប្រតិបត្តិការយ៉ាងសកម្ម ខណៈមនុស្សលើសពី៥០០នាក់ ដោយ​រួមមានភ្ញៀវទេសចរបរទេសជាង១៣០នាក់ មក​ពី​បណ្តា​ប្រទេសចំនួន១០ ត្រូវជាប់គាំងដោយសារគ្រោះរអិលបាក់ដី នៅតំបន់ភ្នំមួយកន្លែង នាភាគនិរតីប្រទេសរុស្ស៊ី។


 
៣៖ មនុស្ស០៨នាក់បាត់បង់ជីវិត ក្នុងការវាយប្រហារដោយ ជនបំផ្ទុះគ្រាប់បែកអត្តឃាតចំនួន០៧នាក់ នៅខេត្ត Salahudin ប្រទេសអ៊ីរ៉ាក់។

៤៖ ប្រធានាធិបតីអាហ្វ្រិកខាងត្បូង  ធ្វើដំណើរទៅដល់ក្រុង Xiamen ក្នុងខេត្ត Fujian ភាគអាគ្នេយ៍ប្រទេសចិន ដើម្បីត្រៀមចូលរួមកិច្ចប្រជុំ​កំពូល BRICS លើក០៩ ជាមួយមេដឹកនាំប្រទេសចំនួន០៤ផ្សេងទៀត រួមមាន ប្រេស៊ីល រុស្ស៊ី ឥណ្ឌា និងចិន។

៥៖ បម្រាមរយៈពេល០១ឆ្នាំ ហាមមិនឲ្យប្រជាជនអាមេរិកទាំងអស់ ធ្វើដំណើរទៅកូរ៉េខាងជើងតទៀតទេ ចូលជាធរមានហើយ។

៦៖ ចំពោះមុខភាពគគ្លើននៃកូរ៉េខាងជើង សហរដ្ឋអាមេរិកព្រមព្រៀងលក់សព្វាវុធបន្ថែម តម្លៃខ្ទង់រាប់ពាន់លានដុល្លារ ដល់កូរ៉េខាងត្បូង។

៧៖ លេចធ្លាយព័ត៌មានថា ឥណ្ឌាលួចបញ្ជូនគ្រាប់មីស៊ីល BrahMos មកដល់វៀតណាមស្ងាត់ៗ ប៉ុន្តែទីក្រុងញូដេលីចេញមុខច្រានចោល៕