(ឡុងដ៍)៖ ព្រះបរមរាជវាំង Buckingham បានប្រកាសថា ស្តេច Charles III របស់ចក្រភពអង់គ្លេស នឹងត្រូវយាងឡើងគ្រងរាជ្យសម្បត្តិនៅវិហារ Westminster Abbey នៅទីក្រុងឡុងដ៍ នាខែឧសភា ឆ្នាំក្រោយនេះ នៅក្នុងពិធីមួយដែលរៀបចំឡើង ដើម្បីអនុវត្តតាមការប្រគុំតន្ត្រីប្រពៃណី ដែលត្រូវបានប្រើដើម្បីគោរពដល់ព្រះមហាក្សត្រ ក្នុងរយៈពេល ១,០០០ឆ្នាំមុនមកហើយ។ នេះបើយោងតាមការចេញផ្សាយដោយ សារព័ត៌មាន AFP នៅថ្ងៃពុធ ទី១២ ខែតុលា ឆ្នាំ២០២២។
ព្រះមហាក្សត្រ Charles III ដែលមានព្រះជន្មាយុ ៧៣វស្សា បានឡើងសោយរាជ្យដោយស្វ័យប្រវត្តិ ក្រោយការសោយទិវង្គតរបស់មាតារបស់ទ្រង់ គឺម្ចាស់ក្សត្រី Elizabeth II កាលពីខែមុន ប៉ុន្តែពិធីឡើងគ្រងរាជ្យសម្បត្តិដ៏ធំសម្រាប់ទ្រង់ និងភរិយា នឹងប្រព្រឹត្តទៅនៅថ្ងៃសៅរ៍ ទី០៦ ខែឧសភា ឆ្នាំ២០២៣៕
