(ពិភពលោក)៖ នៅថ្ងៃព្រហស្បតិ៍ ទី០៤ ខែតុលា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាដូចខាងក្រោម៖
១៖ រកឃើញសាកសពកើនដល់១,៤២៤នាក់ ក្រោយគ្រោះរញ្ជួយដី និងស៊ូណាមិវាយប្រហារឥណ្ឌូណេស៊ី។
២៖ រូបថតបង្ហាញពីនាវាពិឃាតចិន ដេញតាមបណ្ដេញនាវាពិឃាតអាមេរិក USS Decatur នៅក្នុងតំបន់សមុទ្រចិនខាងត្បូងកាលពីថ្ងៃអាទិត្យសប្ដាហ៍មុន ត្រូវបានចេញផ្សាយនៅលើបណ្ដាញអ៊ីនធឺណែត។
៣៖ ភរិយាលោក ណាជីប រ៉ាហ្សាក់ រងការចោទប្រកាន់១៧ករណី ពាក់ព័ន្ធនឹងអំពើពុករលួយ និងការលាងលុយកខ្វក់។
៤៖ អាជ្ញាធរមីយ៉ាន់ម៉ា ដុតកម្ទេចភ្លុកដំរីដែលរឹបអូសបាន ដើម្បីប្រឆាំងនឹងសកម្មភាពជួញដូរសត្វព្រៃខុសច្បាប់។
៥៖ សហរដ្ឋអាមេរិក ប្រកាសដកខ្លួនចេញពីកិច្ចព្រមព្រៀងអន្តរជាតិចំនួន២ ក្រោយចាញ់ក្ដីអ៊ីរ៉ង់នៅតុលាការយុត្តិធម៌អន្តរជាតិ (ICJ)។
៦៖ បន្ទាប់ពីការទទួលមរណភាពរបស់លោក ត្រាន តៃហ្គ័ង (Tran Dai Quang) នៅទីបំផុតអគ្គលេខាធិការបក្សកុម្មុយនិស្តវៀតណាម លោក ង្វៀន ភូត្រុង (Nguyen Phu Trong) ត្រូវបានគណកម្មាធិការមជ្ឈិមបក្សនេះ បោះឆ្នោតគាំទ្រឲ្យក្លាយជាបេក្ខភាពមួយរូប ដើម្បីកាន់តំណែងជាប្រធានាធិបតីថ្មី។
៧៖ ទីបំផុតយានរុករកអឺរ៉ុបមួយទៀត ចុះចតដោយជោគជ័យលើអាចម៍ផ្កាយ Ryugu។
