(ឡុងដ៍)៖ អតីតខ្សែការពារក្លិប Nottingham Forest និងក្លិប Liverpool លោក Larry Lloyd បានទទួលមរណភាពក្នុងវ័យ ៧៥ឆ្នាំ។ នេះបើយោងតាមសារព័ត៌មាន BBC ចេញផ្សាយនៅថ្ងៃទី២៩ ខែមីនា ឆ្នាំ២០២៤។
លោក Lloyd ជាផ្នែកមួយនៃក្លិប Nottingham ដឹកនាំដោយលោក Brian Clough ដែលបានឈ្នះពានរង្វាន់លីគ First Division ក្នុងរដូវកាលឆ្នាំ១៩៧៧-១៩៧៨។
អតីតកីឡាករអន្តរជាតិអង់គ្លេសរូបនេះ ក៏ធ្លាប់ឈ្នះពានរង្វាន់លីគ First Division រដូវកាលឆ្នាំ១៩៧២-៧៣ ជាមួយ Liverpool ផងដែរ ជាមួយនឹងការឈ្នះពានរង្វាន់ Uefa Cup ក្នុងរដូវកាលជាមួយគ្នា។
លោក Larry Lloyd បានបង្ហាញខ្លួនសរុប ២១៨លើកឪ្យក្លិប Nottingham Forest។
លោក Lloyd បានចាប់ផ្តើមអាជីពរបស់ខ្លួននៅក្លិប Bristol Rovers មុនពេលអ្នកចាត់ការ Bill Shankly បានចុះហត្ថលេខាផ្តល់តម្លៃខ្លួន ៥០,០០០ផោន ឱ្យរូបលោក ទៅលេងនៅ Liverpool ក្នុងឆ្នាំ១៩៦៩ ដោយនៅទីនោះ លោកបានបង្ហាញខ្លួន ២១៨លើក។
បន្ទាប់ពីចំណាយពេល ២ឆ្នាំ នៅក្លិប Coventry City លោកបានចូលរួមជាមួយ Forest ក្នុងឆ្នាំ១៩៧៦ ជាក្លិបដែលលោកលេងបាន ៥រដូវកាល មុនពេលលោកបញ្ចប់អាជីពជាកីឡាករដោយសារទទួលតំណែងជាកីឡាករផង និងអ្នកចាត់ការផងនៅក្លិប Wigan៕