(បាគូ)៖ ព្រឹត្តិការណ៍ប្រណាំងរថយន្ត Azerbaijan Grand Prix នៅទីក្រុង Baku នឹងនៅតែបន្តស្ថិតក្នុងប្រតិទិនរបស់ Formula One រហូតយ៉ាងហោចណាស់ឆ្នាំ២០២៦ បន្ទាប់ពីបន្តកិច្ចសន្យារយៈពេល ៣ឆ្នាំនៅថ្ងៃសៅរ៍ម្សិលមិញ។ នេះបើយោងតាមសារព័ត៌មាន CNA ចេញផ្សាយនៅថ្ងៃទី៣០ ខែមេសា ឆ្នាំ២០២៣។
ទីក្រុង Baku កំពុងរៀបចំធ្វើជាម្ចាស់ផ្ទះ សម្រាប់ការប្រណាំងលើកដំបូង នៃរដូវកាលនេះនាចុងសប្តាហ៍នេះ។
គិតមកទល់ពេលនេះ មិនមានកីឡាករណាម្នាក់ បានឈ្នះលើសពី១លើកនោះទេ នៅប្រទេសអាស៊ែបៃហ្សង់។
"ទីលាន Baku City Circuit បានក្លាយជាទីលានដែលមានប្រជាប្រិយភាពខ្លាំងសម្រាប់ Formula One"។ នេះបើតាមសម្តីនាយកប្រតិបត្តិ F1 លោក Stefano Domenicali បានលើកឡើងក្នុងសេចក្តីថ្លែងការណ៍៕