(ភ្នំពេញ)៖ ក្នុងពេលបច្ចុប្បន្ននេះ ប្រជាជនកម្ពុជា បានស្វែងរកការរស់នៅ បែបជីវិតស៊ីវិល័យ ដោយងាកមករកគេហដ្ឋានបែបបុរី និង ខុនដូ។ ចំពោះការផ្លាស់ប្តូរបែបនេះ ដោយសារតែការរស់នៅក្នុង បុរី និង ខុនដូ បានបន្ថែមនូវភាពសម្បូរបែប និងតម្រូវការ ដែលមិនអាចខ្វះបានសម្រាប់ការរស់នៅប្រចាំថ្ងៃ។

ខុនដូ ដឹស្តាប៉ូឡារីស ២៣ មានទីតាំងនៅតាមបណ្តោយផ្លូវជាតិលេខ១ ប្រមាណជា២គីឡូម៉ែត្រ ពីស្ពានព្រះមុនីវង្ស (បឹងស្នោ) សាងសង់ឡើងលើផ្ទៃដីប្រមាណជាជាង២ ហិចតា ដែលមានកំពស់២៦ជាន់ ចែកចេញជាបន្ទប់គេង១ និងបន្ទប់គេង២ អមជាមួយគ្រឿងសង្ហារិមទំនើបគ្រប់ប្រភេទ បំពាក់ជូនរួចជាស្រេច ស្របតាមតំរូវការរបស់អតិថិជន។

អ្វីដែលពិសេសនោះ គឺលោកអ្នកអាចកំសាន្ត និងស្រូបយកខ្យល់អាកាស នៅក្នុងសួនច្បារលើអាកាសបែបឯកជន នៅជាន់ទី២៦ នៃអគារ ដែលមានបរិយាកាសស្រស់ស្រាយ ជាមួយនឹងទេសភាពដ៏ល្អឥតខ្ចោះ អមដោយទន្លេសងខាង និងទិដ្ឋភាពសួនកំសាន្តបែបអឺរ៉ុបថែមទៀតផង។

សម្រាប់ជាន់ទី១ និងទី២ នៃអគារខុនដូ បានរៀបចំអោយមានហាងទំនិញដ៏សម្បូរបែប មានទំនិញរាប់រយមុខ ដោយអតិថិជន ពុំចាំបាច់ចាកចេញពីខុនដូ ទៅស្វែងរកនៅឆ្ងាយ។

ភោជនីយដ្ឋាន និងអាហារដ្ឋាន ក៏ជាតម្រូវការចាំបាច់ប្រចាំថ្ងៃ សម្រាប់ការរស់នៅ។ ដូច្នោះហើយទើបបុរី ប៉េង ហួត បានបង្កើតអោយមាន ប៉ូឡារីស អេហ្វ អែន ប៊ី ដែលប្រមូលផ្តុំភោជនីយដ្ឋាន និង អាហារដ្ឋានល្បីៗលើដងវិថីតែមួយដែលមានចំងាយប្រមាណជា៥០០ម៉ែត្រប៉ុណ្ណោះពីទីតាំងខុនដូ។

សួនកម្សាន្តយូរ៉ូផាក ស្ថិតនៅលើទីតាំងតែមួយ (បឹងស្នោរ) ជាមួយនឹងខុនដូ ដែលសួនកម្សាន្តនេះ ជាសួនកម្សាន្តស្តង់ដារបែបអឺរ៉ុប ដំបូងគេបង្អស់ក្នុងប្រទេសកម្ពុជា ជាទីកន្លែងលំហែកាយបែបធម្មជាតិ ដែលមានភោជនីយដ្ឋានបែបបស្ចឹមប្រទេស ការជិះទូកកម្សាន្ត និងការកម្សាន្តផ្សេងៗទៀតជាច្រើន ដែលធ្វើឲ្យអ្នកទៅកំសាន្តនៅទីនោះ មានអារម្មណ៍ថា ដូចកំពុងស្ថិតនៅក្នុងទីក្រុងតូចមួយនៅប៉ែកអឺរ៉ុបយ៉ាងដូច្នេះដែរ។

បន្ថែមពីលើនេះទៀត ការហាត់កីឡាក៏ជាផ្នែកមួយ ជួយដល់លោកអ្នកបំបាត់ភាពតានតឹង និងធ្វើឲ្យមានសុខភាពល្អ។ បុរី ប៉េង ហួត ក៏បានបង្កើតឲ្យមាន ក្លឹបហាត់ប្រាណ អាងហែលទឹក និងកីឡដ្ឋាន សម្រាប់អតិថិជនមកហាត់ប្រាណ និងកំសាន្ត ជាមួយនឹងកីឡាវាយកូនហ្គោល និងកីឡាបាល់ទាត់ ដែលកំពុងពេញនិយម នាពេលបច្ចុប្បន្ន។

សរុបរួមមក ជីវិតបែបស៊ីវិល័យ សម្រាប់ការរស់នៅក្នុងខុនដូ ដឹស្តាប៉ូឡារីស ២៣ ពិតជាមិនធ្វើអោយអតិថិជនខកបំណងឡើយ ក្នុងការទទួលបានជីវិតដ៏ស្រស់បំព្រង រួមផ្សំនឹងភាពសម្បូរបែបដែលនៅជុំវិញ ដែលស័ក្តិសមនឹង ពាក្យស្លោករបស់បុរី ប៉េង ហួត “ធ្វើឲ្យជីវិតលោកអ្នកកាន់តែមានន័យ”។

ព័ត៌មានបន្ថែម សូមទាក់ទងទូរស័ព្ទលេខ៖ 015 90 6789 Email: [email protected] ឬចូលទៅកាន់គេហទំព័រ Facebook: www.facebook.com/boreypenghuoth ឬអាចអញ្ជើញមកសាកសួរព័ត៌មាន ពីគ្រប់ការិយាល័យលក់ ដែលមានទីតាំងក្បែរលោកអ្នក រៀងរាល់ម៉ោងធ្វើការ៕