(តូក្យូ)៖ ជប៉ុន បានប្រកាសពីដកខ្លួនប្រជែងសិទ្ធិធ្វេីម្ចាស់ផ្ទះរៀបចំព្រឹត្តិការណ៍បាល់ទាត់នារីពិភពលោក FIFA Women’s World Cup 2023។ នេះត្រូវបានដកស្រង់ចេញផ្សាយពីព័ត៌មាន kyodo នាថ្ងៃចន្ទ ទី២២ ខែមិចុនានេះតាមរយ: CNA។
ជប៉ុន បានស្ថិតក្នុងចំណោមបេក្ខភាពទាំង៣ ដែលត្រៀមឈរឈ្មោះបោះឆ្នោតជុំផ្តាច់ជាមួយគូប្រជែងជាមួយប្រទេសកូឡុំប៊ី និងការចាប់ដៃគ្នារវាងអូស្ត្រាលី និងនូវែលសេឡង់ដែលនឹងធ្វេីឡេីងនៅថ្ងៃទី២៥ ខែមិថុនាដ៏ខ្លីខាងមុខ។
សហព័ន្ធកីឡាបាល់ទាត់អន្តរជាតិ FIFAធ្លាប់ចេញសេចក្តីថ្លែងការណ៍ថា សម្រាប់ការដាក់ដេញថ្លៃរួមគ្នា ដេីម្បីធ្វេីសហម្ចាស់ផ្ទះរវាងអូស្ត្រាលី និងនូវែលសេឡង់ ជាជម្រើសល្អមួយ គ្រាដែលជប៉ុនស្ថិតនៅជម្រើសទី២។
៤ប្រទេសខាងលេីពុំធ្លាប់ធ្វេីម្ចាស់ផ្ទះយុទ្ធនាការដែលមានរយ:ពេល ៤ឆ្នាំម្តងណាឡេីយ ក្រោយរៀបចំបាន ៨លេីកមកនេះ ដែលមានស្រ្តីអាមេរិកឈ្នះបាន ៤ដងច្រេីនជាងគេ។
សមាគមបាល់ទាត់ជប៉ុន Japanese Football Association (JFA) បានលើកឡើងថា មិនអាចធ្វើការបង្ហាញពីបញ្ហាភ្លាមៗនោះទេ ខណៈព្រឹត្តិការណ៍បាល់ទាត់ពិភពលោកផ្នែកបុរស World Cup 2002 ជប៉ុន ធ្លាប់ធ្វើជាម្ចាស់រួមគ្នាជាមួយប្រទេសកូរ៉េខាងត្បូង។
ជប៉ុន ធ្លាប់ឈ្នះពានបាល់ទាត់នារីកម្រិតពិភពលោកម្តងដែរកាលឆ្នាំ២០១១ ដែលបានយកឈ្នះក្រុមនារីអាមេរិកនៅវគ្គផ្តាច់ព្រ័ត្រដ៏អស្ចារ្យ៕