(ភ្នំពេញ)៖ គ្រាន់តែឮឈ្មោះ កញ្ញា រឿន ស៊ីណាត ប្រិយមិត្តទស្សនិកជន ប្រហែលជាបានស្គាល់ច្បាស់ រួចមកហើយថា នាងគឺជា Miss Universe តំណាងប្រទេសកម្ពុជា ហើយក៏ធ្វើ ជាបវរកញ្ញា តំណាងប្រទេសកម្ពុជា ក្នុងការចេញទៅប្រកួត «បវរកញ្ញាចក្រវាឡ» ឆ្នាំ ២០១៨ លើកឆាកអន្តរជាតិ ដែលមានប្រទេសថៃ ធ្វើជាម្ចាស់ផ្ទះផងដែរ ។ យ៉ាងណាមិញ បន្ទាប់ពី ព្រះរាជពិធីបុណ្យអ៊ុទុក បណ្តែតប្រទីប អកអំបុក និងសំពះព្រះខែ ត្រូវបានបញ្ចប់ហើយនេះ កញ្ញា រឿន ស៊ីណាត ដែលជាបវរកញ្ញាតំណាង ឲ្យប្រទេសកម្ពុជា ដែលនឹងទៅប្រកួតក្នុងកម្មវិធី «បវរកញ្ញាចក្រវាឡ» ឆ្នាំ ២០១៨ នឹងមកបង្ហាញ ពីចំណាប់អារម្មណ៍ និងការត្រៀមខ្លួន ទាំងចំណេះដឹង និងសម្លៀកបំពាក់ មុនពេលចេញទៅប្រកួត នៅក្នុងប្រទេសថៃ តាមរយៈកម្មវិធី «អាថ៌កំបាំងក្រៅឆាករបស់តារា» នៅល្ងាចថ្ងៃសៅរ៍នេះ។
ជាការកត់សម្គាល់ កញ្ញា រឿន ស៊ីណាត ត្រូវបានជាដឹងថា មានទស្សនិកជនជាច្រើន ដែលគាំទ្រនាង ខណៈមកដល់នឹងបច្ចុប្បន្ននេះ មានទស្សនិកជនមិនតិចទេ កំពុងតែអន្ទះសារ ក្នុងការបង្ហាញ នូវឈុតសម្លៀកបំពាក់ នៅលើឆាកអន្តរជាតិ។
ចង់ដឹងកាន់តែច្បាស់ពាក់ព័ន្ធនឹងទៅនឹង ចំណាប់អារម្មណ៍ និងការត្រៀមយកសម្លៀកបំពាក់ ពីសំណាក់កញ្ញា រឿន ស៊ីណាត នឹងចូលខ្លួនមកបកស្រាយ ដើម្បីប្រាប់ដល់ទស្សនិកជន ឲ្យជ្រាបកាន់តែច្បាស់ ជាមួយនឹងចំណាប់អារម្មណ៍ និងការត្រៀមខ្លួន ក៏ដូចជាការត្រៀមយកទាំងចំណេះដឹង និងសម្លៀកបំពាក់ ដែលបង្ហាញពីវប្បធម៌ និងអរិយធម៌ខ្មែរ យកទៅបង្ហាញនៅក្នុងកម្មវិធីប្រកួត «បវរកញ្ញាចក្រវាឡ» ឆ្នាំ ២០១៨ លើកឆាកអន្តរជាតិ តាមរយៈកម្មវិធី «អាថ៌កំបាំងក្រៅឆាករបស់តារា» នៅល្ងាចថ្ងៃសៅរ៍ ទី២៤ ខែ វិច្ឆិកា ឆ្នាំ២០១៨នេះ នាម៉ោង ៧៖០០នាទី ដល់ម៉ោង ៨៖០០នាទីយប់ នៅលើ Fresh News TV និង Khmer Talking ហើយនឹងត្រូវចាក់ផ្សាយឡើងវិញ នៅថ្ងៃអាទិត្យ ទី២៦៥ ខែវិច្ឆិកា វេលាម៉ោងដដែល៕