(ថៃ)៖ តារាសម្តែងស្រី Janie Thienphosuwan នឹងត្រូវបញ្ចប់ភាពនៅលីវ ជាថ្មីម្តងទៀត ដោយត្រូវចូលរោងការជាមួយមិត្តប្រុស វ័យក្មេង Mickey Non Anaphath នាថ្ងៃ ១៩ ខែតុលា ខាងមុខនេះ ដែលត្រូវរៀបចំនៅ Benedict Studio ក្នុងទីក្រុងបាងកក ពោលគឺនៅសល់តែ ១ថ្ងៃទៀតប៉ុណ្ណោះ គូស្នេហ៍ទាំងពីរនេះ នឹងប្តូរពីពាក្យសង្សារ មកជាស្វាមីភរិយានឹងគ្នាហើយ។
អ្វីគ្រប់យ៉ាងសុទ្ធតែបានរៀបចំទុកជាមុន បានយ៉ាងល្អ រួមមានធៀបការភ្លឺថ្លាដូចកញ្ចក់ ស្បែកជើងកែងពណ៌ស ឈុតកូនក្រមុំដ៏ស្រស់ស្អាត ជាពិសេសចិញ្ជៀនរៀបការ ដែលមានឆ្លាក់ឈ្មោះ «JM» តំណាងឈ្មោះគូស្នេហ៍ Janie និង Mickey រួមជាមួយរូបបេះដូង តំណាងស្នេហាដ៏ជ្រាលជ្រៅ និងស្មោះស្ម័គ្រថែមទៀតផង។
មុនឈានដល់ថ្ងៃរៀបការ Janie បានឲ្យដឹងថា ខ្លួនពិតមានក្តីសុខគ្រប់ពេល ដែលបាននៅជិត Mickey ហើយគេជាអ្នកផ្តល់ប្រឹក្សាដ៏ល្អ និងលើកទឹកចិត្តនាងគ្រប់ពេល ទើបធ្វើនាងមានអារម្មណ៍ថា Mickey ជាមនុស្សប្រុសម្នាក់ ដែលអាចឲ្យនាងផ្ញើរវាសនាបាន ព្រោះនារីគ្រប់រូបពិតជា មិនចង់មានការឈឺចាប់ម្តងហើយម្តងទៀតនោះទេ៕