(ថៃ)៖ កាលពីសប្តាហ៍កន្លងទៅ តារាសម្តែងស្រី Margie Rasri និងស្វាមី Pok Minset បានប្រកាសពីការមានផ្ទៃពោះ កូនដំបូងរបស់ខ្លួន ធ្វើឲ្យអ្នកគាំទ្រជាច្រើនសម្តែងក្តីរីករាយ និងអបអរសារជាខ្លាំង។
ដំណឹងដ៏ល្អនេះ មិនទាន់បានប៉ុន្មានថ្ងៃផង ស្រាប់តែស្វាមីភរិយាហាយសូរមួយគូនេះ បានបង្កើតភាពភ្ញាក់ផ្អើលថ្មីមួយទៀត តាមរយៈការចែកចាយនូវវីដេអូឃ្លីបមួយ លើបណ្តាញ Youtube របស់លោកដែលមានឈ្មោះ «Mindset TV» ក្នុងនោះគេបានឃើញ Pok នាំភរិយា Margie ទៅពិនិត្យផ្ទៃពោះ នៅមន្ទីរពេទ្យមួយកន្លែង នាពេលនោះ គ្រូពេទ្យបានពិនិត្យឃើញថា Margie កំពុងពរពោះកូនភ្លោះ មានអាយុប្រមាណ៨ សប្តាហ៍មកហើយ តែមិនទាន់ដឹងថា ជាកូនភ្លោះស្រី ឬប្រុសនោះទេ។
ដំណឹងដ៏ល្អនេះ រិតតែធ្វើឲ្យទស្សនិកជន ជាពិសេសអ្នកគាំទ្រចូលរួមត្រេកអរដល់ Margie និងស្វាមីជាខ្លាំង ហើយអនាគតប៉ា និងម៉ាក់ទាំងពីរនេះ បានរៀបចំសម្ភារៈសម្រាប់កូនភ្លោះ ជាទីស្រឡាញ់របស់ពួកគេបណ្តើរៗហើយ បើទោះបីជាកូនក្នុងផ្ទៃ ទើបតែមានអាយុទើបតែ ២ខែក៏ដោយ៕