(ភ្នំពេញ)៖ ក្រោយពីចំណាត់ការរបស់ក្រសួងវប្បធម៌ ត្រូវបានប្រកាសជាផ្លូវការ ស្ដីពីការព្រមានលើភាពសិចស៊ី ក្នុងសកម្មភាពសិល្បៈរួចមក គេបានសង្កេតឃើញ តារាសម្តែងស្រី ពេជ្រ អាវីហ្សា បានសម្តែងនូវការមិនពេញចិត្តខ្លាំង ដោយនាងប្រកាន់ជំហថា មិនបានសិចស៊ីជ្រុលពេកនោះទេ ពោលគឺមានតែថតរូបតិចតួច ជាមួយលោក អែនឌី ប៉ុណ្ណោះ ហើយចំពោះ MV ចម្រៀង គឺពុំមានអ្វីឲ្យលើសជ្រុសផងដែរ។ បន្ទាប់កើតឡើងនូវបញ្ហានេះភ្លាម ដែលធ្វើឲ្យប៉ះពាល់ដល់ផ្លូវចិត្តរបស់នាងយ៉ាងខ្លាំង រហូតមកដល់ពេលនេះ ពេជ្រ អាវីហ្សាហាក់លែងខ្វល់ខ្វាយ និងយកចិត្តទុកដាក់ទៀតហើយ ដោយងាកមកមើលពីខ្លួនឯងជារឿងសំខាន់វិញ ខណៈថ្មីនេះ នាងបានចំណាយលុយ ទិញ iPhone XS Max ដែលទើបតែចេញក្ដៅៗហុយៗមួយគ្រឿង លួចចិត្តខ្លួនឯង ឈប់គិតរឿងដែលកន្លងហួស។
ស្រីស្រស់សម្ផស្សឆើតឆាយ ពេជ្រ អាវីហ្សា ត្រូវបានគេដឹងថា គឺជាតារាសម្តែងដ៏ទាន់សម័យ មិនថាម៉ូដសម្លៀកបំពាក់ ឬសម្ភារផ្សេងៗ គឺនាងចូលចិត្តផ្លាស់ប្តូរមិនឲ្យជាន់គ្នានោះទេ។ ស្របពេលដែលទូរស័ព្ទដៃម៉ាក iPhone XS Max បានប្រកាសចេញជាផ្លូវការភ្លាម នាងបានកុម្ម៉ង់ទិញប្រើមុនគេតែម្តង ហើយក៏ជាការជុសជុលផ្លូវចិត្តរបស់ខ្លួនឯង បន្ទាប់ពីត្រូវព្រនង់ របស់ក្រសួងវប្បធម៌ និងវិចិត្រសិល្បៈ ដែលបានព្រមានលើរូបនាង កុំឲ្យបញ្ចេញភាពសិចស៊ីហួសហេតុបន្តទៀត។
ទោះបីជាទូរស័ព្ទ iPhone XS Max ជាទូរស័ព្ទជំនាន់ថ្មី ទើបនឹងចេញ ហើយមានតម្លៃថ្លៃបន្តិចមែន ប៉ុន្តែ ពេជ្រ អាវីហ្សា សុខចិត្តចំណាយលុយផ្ទាល់ខ្លួនទិញជាកាដូ លួចចិត្តខ្លួនឯងពោលគឺមិនមែនជារបស់បុរសណាម្នាក់ ទិញកាដូជូននាងឡើយ។
សូមបញ្ជាក់ថា ខណៈក្រសួងវប្បធម៌ និងវិចិត្រសិល្បៈព្រោះតែរឿងសិចស៊ីត្រូវបានប្រកាសជាផ្លូវការ តារាសម្តែងស្រី ពេជ្រ អាវីហ្សា បានសម្តែងនូវការមិនពេញចិត្តយ៉ាងខ្លាំង ដោយនាងប្រកាន់ជំហរថា មិនបានសិចស៊ីជ្រុលពេកនោះទេ ពោលគឺមានតែថតរូបតិចតួច ជាមួយលោក អែនឌី ប៉ុណ្ណោះ។ ការសម្រេចរបស់ក្រសួងពេលនេះ ធ្វើឲ្យប៉ះពាល់ដល់ផ្លូវចិត្តរបស់នាងយ៉ាងខ្លាំង ដល់ថ្នាក់នាងប្រកាសថា មិនទទួលសម្តែងភាពយន្តមួយរយៈខ្លីទៀតផង៕
