(ម៉ូនិច)៖ អ្នកចាំទីដៃទី១ Manuel Neuer បានព្រមព្រៀងបន្តកិច្ចសន្យាថ្មីជាមួយក្រុម Bayern Munich រហូតដល់ឆ្នាំ២០២៣ ដែលស្ថិតក្នុងលីគកំពូលអាល្លឺម៉ង់ Bundesliga ក្រោយផ្ទេរមកពីក្រុម Schalke កាលពីឆ្នាំ២០១១។
គិតត្រឹមពេលនេះរូបគេបានឈ្នះរង្វាន់លីគកំពូលអាល្លឺម៉ង់ ៧ដង។ នេះបើតាមការចេញផ្សាយដោយ BBC នាថ្ងៃទី២១ ខែឧសភា ឆ្នាំ២០២០។
បុរសវ័យ ៣៤ឆ្នាំសញ្ជាតិអាល្លឺម៉ង់ Neuer នឹងបន្តចំណាយពេលលេងឲ្យ Bayern Munich ៣ឆ្នាំបន្តទៀតក្រោយគិតត្រឹមបច្ចុប្បន្នរូបគេបង្ហាញខ្លួនបាន ៣៧៥ប្រកួតចាប់តាំងពីឆ្នាំ២០១១ ដល់ឆ្នាំ២០២០នេះក្នុងនោះលើកពានរង្វាន់ក្របខណ្ឌបាល់ទាត់អាល្លឺម៉ង់មានដូចជាពាន Bundesliga, DFB Pokal, German Supercup និងជាក្រុម Schalke បានលើកពាន Liga Pokal។
Neuer ក៏បានរួមចំណែកជួយក្រុម Bayern Munich លើកពានរង្វាន់ក្របខណ្ឌអឺរ៉ុប UEFA Champions League ១លើកនិងClub World Cup ជាមួយនឹងពាន UEFA Super Cup ខណៈពានកម្រិតពិភពលោក FIFA World Cup ជាជម្រើសជាតិអាល្លឺម៉ង់ និងពាន Confederations Cup ផងដែរ៕