(កូរ៉េខាងត្បូង)៖ តារាកូរ៉េ Minho សមាជិកក្រុម SHINee កាលពីថ្ងៃទី២៣ ខែឧសភា ថ្មីនេះ បានបញ្ចប់ថ្នាក់បណ្ដុះបណ្ដាលយោធាមូលដ្ឋាន ៦ សប្ដាហ៍របស់លោក ក្រោយចូលហ្វឹកហាត់យោធាជាផ្លូវការ កាលពីថ្ងៃទី ១៥ ខែមេសា ហើយអ្វីដែលគួរឲ្យកោតសរសើរទៀតនោះគឺ តារាប្រុសរូបនេះ ថែមទាំងទទួលបានមេដៃកិត្តិយស សម្រាប់ការហ្វឹកហាត់របស់លោក នាពេលកន្លងមក។
ភ្ជាប់ជាមួយរូបថតជាច្រើនសន្លឹក Minho បានស្លៀកឯកសណ្ឋានកងទ័ពម៉ារីនយ៉ាងស្រស់សង្ហា ឡើងទទួលមេដៃកិតិ្តយស សម្រាប់ការខិតខំប្រឹងប្រែងរបស់លោក អំឡុងពេលហ្វឹកហាត់ជួរកងទ័ព។ ក្នុងនោះដែរ Minho ថែមទាំងបានធ្វើការគោរពទៅដល់អ្នកម្ដាយរបស់លោក ទៀតផង។
សូមជម្រាមថា Minho នឹងបន្តបំពេញកាតព្វកិច្ចយោធាផ្នែកកងទ័ពម៉ារីន នៃកងនាវាចរទី១ នៅឯកំពង់ផែ Pohang នៃប្រទេសកូរ៉េខាងត្បូង ហើយលោកនឹងបញ្ចប់កាតព្វកិច្ចយោធា ជាផ្លូវការ នៅថ្ងៃទី១៥ ខែវិច្ឆិកា ឆ្នាំ២០១៩ ខាងមុខ៕