(ភ្នំពេញ)៖ តារាសម្ដែង ជាប់ងារជាតារាទឹកភ្នែក កញ្ញា នី មុន្នីនាថ ត្រូវបានគេសង្កេតឃើញថា មួយរយៈចុងក្រោយនេះ នាងហាក់ស្ងប់ស្ងាត់ ពីសិល្បៈ ខណៈដែលនាង ហាក់គ្មានសកម្មភាព ក្នុងសិល្បៈដូចមុន ។ យ៉ាងណាមិញ ក្រោយពីបាត់មុខ ពីសិល្បៈមួយរយៈ ស្រាប់តែថ្មីៗនេះ នាងត្រូវបាន អ្នកគាំទ្រ បង្ហាញការភ្ញាក់ផ្អើល ចំពោះតារាទឹកភ្នែកនី មុនីនាថ ដែលព្យាយាម គេចចេញពីហ្វូងតារា ជួបជុំគ្នារាំច្រៀង ខណៈដែលនាង បានរត់ទៅ ជាយភ្នំសំងំសមាធិ ដូចដូនជី បន្ទាប់ពី ស្ងប់ស្ងាត់រឿងក្ដីចម្រូងចម្រាស់ ប្ដឹងឡើងតុលាការ ពីសំណាក់អតីតគូដណ្ដឹង គឺ លោក អ៊ុង សូឡាង។
ដោយឡែក ជុំវិញរឿង អង្គុយស្មឹងស្មាត តាំងសមាធិ តារាស្រីរូបនេះ បានបង្ហោះ សារនៅក្នុងគណនីហ្វេសប៊ុក របស់ខ្លួនថា « បិទភ្នែកនៅទីកន្លែងស្ងាត់ ធ្វើចិត្តអោយស្ងប់ ទាល់តែមានមនុស្សគ្រប់ប្រភេទ រស់លាយឡំគ្នា ទើបពិភពលោកសភាពធម្មតា »។
តាមរយៈសារ មួយនេះផងដែរ បានធ្វើឲ្យប្រិយមិត្តទស្សនិកជន ជាច្រើន មានការងឿងឆ្ងល់ ថាតើ កញ្ញា នី មុន្នីនាថ មានរឿងអ្វី បានជា រត់ទៅតាំងសមាធិ ធ្វើឲ្យចិត្តស្ងប់ ហើយ មិនសូវបង្ហាញខ្លួន ក្នុងសិល្បៈដូចមុនថែមទៀតផង ។
គួរបញ្ជាក់ផងដែរថា កញ្ញា នី មុន្នីនាថ ជាតារាសម្ដែង ដែលមានប្រជាប្រិយភាព និងទទួលបានកាគាំទ្រ ខ្លាំងពីសំណាក់ទស្សនិកជន ៕