(ភ្នំពេញ)៖ ក្រុមហ៊ុន GFX បានបញ្ចប់ព្រឹត្តិការណ៏ ស្តីអំពីកម្មវិធី Currency World War ដែលប្រារព្ធធ្វើឡើងកាលពីប៉ុន្មានថ្ងៃមុននេះ ស្ថិតនៅ Epic Club ដោយជោគជ័យ ហើយអ្នកចូលរួមបានទទួលជ័លាភី និងការចំណេញបានជាទឹកប្រាក់ ព្រមទាំងទូរស័ព្ទផងដែរ។
សូមបញ្ជាក់ថា សម្រាប់អ្នកចូលរួមនៅក្នុងកម្មវិធីមួយនេះ ត្រូវបានចែកចេញជា៤ក្រុមរួមមាន៖ ទី១-ក្រុម Alpha (Red Colour), ទី២-ក្រុម Bravo (Blue Colour), ទី៣-ក្រុម Charlie (Yellow) និងទី៤ក្រុម Team Delta (Green)។
តំណាងក្រុមហ៊ុន GFX បានឲ្យដឹងថា កម្មវិធីរបស់ខ្លួនបានដំណើរទៅ មានរយៈពល៦ម៉ោងដោយ មានអ្នកចូលរួមការប្រកួតម្នាក់ៗ ទទួលបានទឹកប្រាក់៥០០០ដុល្លារ ក្នុងគណនីប្រកួតប្រជែងរបស់ពួកគាត់ ហើយការប្រកួតចាប់ផ្តើមពីម៉ោង ២រសៀលដល់ម៉ោង៨យប់ ដោយមានអ្នកចូលរួមប្រមាណជាង២០០នាក់។
តំណាងក្រុមហ៊ុន បានបន្តទៀតថា អ្នកដែលទទួលបានជ័យលាភី ដោយផ្តោតទៅលើផលចំណេញច្រើន ជាងគេបង្អស់ គឺបានទៅលើ Mr.To Leapheng (មកពី Team Bravo ដែលរូបគាត់ ទទួលបានទូរស័ព្ទម៉ាក iPhone 6s មួយគ្រឿង, ទឹកប្រាក់សុទ្ធចំនួន៦៨៨ដុល្លារ និងឥណទានចំនួន ៦៨៨ដុល្លារ ទៅក្នុងគណនីពិត (Live Account) របស់គាត់។
សម្រាប់អ្នកទទួលជ័យលាភីបន្ទាប់ គឺផ្តោតទៅលើភាគរយ នៃផលចំណេញធៀបនឹងមូលធនសរុប គឺ Mr.Yorn Chanmensong ទទួលបានទឹកប្រាក់សុទ្ធចំនួន៦៨៨ដុល្លារ និងឥណទានចំនួន៦៨៨ដុល្លារ ទៅក្នុងគណនីពិត (Live Account) របស់គាត់។
រីឯជ័យលាភីបញ្ចប់ គឺផ្តោតទៅលើក្រុមដែលទទួលបាន ផលចំណេញច្រើនជាងគេ គឺបានទៅលើក្រុម Delta, ទទួលបានពានរង្វាន់មួយ ព្រមទាំងបានការអញ្ជើញពី CWW ដើម្បីងអបអរដល់ការខិតខំប្រកួតនៅបន្ទប់ VIP KTV នៃក្លឹប Epic ពេញមួយយប់ដោយមានការច្រៀងកម្សាន្ត, ទទួលស្វាគមន៏ដោយស្រាសាំប៉ាញ, ស្រាបៀរ និងភេសជ្ជៈ ព្រមទាំងទទួលបានគណនី ដែលមានឥណទានចំនួន១០០ដុល្លារ។
ក្រុមហ៊ុន GFXសូមអរគុណសំរាប់ការចូលរួម របស់ភ្ញៀវកិត្តិយស រង់ចាំ Currency WorldWar 2...!!!